”ابوبکر خان“ کی تلاش کے نتائج

پشاور میں شہریوں کو ہنگامی صورتحال میں فوری مدد فراہم کرنے کے لیے نصب کیے گئے بیشتر پینک بٹن غیر فعال ہیں، جب کہ کئی اہم مقامات پر تنصیب کا عمل ابھی تک مکمل ہی نہیں ہو سکا۔شہر کے 68 مقامات پر نصب یہ بٹن خاص طور پر ان علاقوں میں لگائے گئے تھے جہاں خواتین کی آمدورفت زیادہ ہوتی ہے، جیسے شاپنگ مراکز اور مصروف بازار۔حکام کے مطابق بٹن دبانے پر ایک سے تین سیکنڈ کے اندر ردعمل آنا چاہیے، مگر عملی طور پر ایسا نہیں ہو رہا۔بروقت ردعمل نہ ملنے اور تنصیب کا عمل ادھورا رہنے سے اس سہولت کا دائرہ محدود ہو گیا ہے، جس نے خواتین کی سکیورٹی کے حوالے سے خدشات میں اضافہ کر دیا ہے۔ متعلقہ ادارے ابھی تک اس نظام کو مؤثر بنانے کے لیے کوئی ٹھوس اقدام نہیں اٹھا سکے۔